Tablelands und Cairns

Blick ufs tableland

G’day us australien.. sit langem chumi wider mol däzuä än bricht z’schribe i mim blog.. han eigentlich scho lang ä mol wöllä än bricht schribä über s’vorletschte weekend i dä tablelands, aber han kei zit gha! Kurz zämä gfasst, mir hend z’3te äs auto gmietet und sind uf broche richtig tablelands (tablelands isch s’hinderland vo cairns bevor dän s’outback afangt) als s’erstes hend mir d’barron falls aglueget, isch no ä idrücklichi schlucht gsi, leider chli wenig wasser.. witer isch üsi reis über mareeba, atherton uf yungaburra gange! I dä nöchi vo yungaburra isch dä lake tinaroo gsi wo mir dän zmittag gessese hend, natürlich äs bbq wiä sichs ghört ;-) leider isch dän s’wetter schlecht worde und hend drum au nöd chönä go bade in see.. nichtsdestotrotz sind mir dän ufem zrugwäg uf yungaburra, wo mir üses backpackers gha hend, aber no dä cathedral fig tree go aluägä.. eifach gseit än grosse fige baum;-) noch dä obligatorische föteli hend mir üs reis wider fortgsets und hend dän üses nachtlager bezoge in yungaburra. Am nörchste tag het üses program folgendermasse us gse: nomol än grosse fige baum go aluägä(Curtain Fig Tree), millaa millaa wasserfälle, josephine wasserfäll und dän no schnell ächli go sünnele am bramston beach…

Diä folgend wochä isch dän au wider schnell verzellt, schuel, dän lagoona und usgang am obig (meistens, abundzuä au chli no schlofe vo dä vorherige nacht;-)) und au s’letschte weekend hend mir dän in cairns verbrocht, eigentlich wär no plant gsi das mir mol wider an beach uf palm cove gönd, aber s’wetter het nöd so mit gspielt! Diä letscht woche isch prägt gsi vo 2 sache, einere sehr positive und einre eher negative.. zerst diä schlechti, leider hend äs paar kollege wieder müese zrug is chalti oder chälteri europa!und so isch wider mol abschied näh agstande..

aber wiä scho gseit au vo einere seehr positve!:-) wo mir letscht woche im pj’s (ä pub in cairns) gsesse sind, het üs än älter österricher agsproche will er ghört het das mir dütsch redet! Er het öpis verzellt vome bike renne wo in mareeba startet und s’ziel in cape tribualtion isch und er no freiwillig helfer suecht!im erste moment hends mir gar nöd recht realisiert, und erst woner dän weg gsi isch hend mir dän mol no dä prospekt agluegt woner dete lo het.. mit jedem satz wo mir me glese hend sind mir interessierter worde dra und schlussendlich hend dän dä marcel und i beschlosse am nörchste tag a d’info verastalltig zgo!doch leider hend mir dä name vom hotel vergesse, und so isch dän ächli ä suchete los gang nochem richtige hotel;-) nochem 4. erfolglose hotel sind mir dän uf d’idee cho, schnell is internet go luägä uf d’homepage und luägä au do ane det isch s’hotel drin gstande ;-) diä infos wo mir dän übercho hend het üs so überzoge das mir grad spontan zuä gseit hend! Also das isch s’härteste bikerenne vo dä welt, äs startet wiä scho gseit in mareba und got nocher ufä bis cape tribulation.. innerhalb vo 10 täg machet diä profis 1200km und 120000 höhemeter, und das im outback bi 35°… dä marcel und i sind diä erste gsi und hend drum no chönä uslese was mir wend mache! Mir hend üs dän für depot entschiede, das heisst mir chönd än eigene 4WD über und müend 1 getränke und essens depot ufstelle eimol am tag.. und für das ganzi chönd mir no 300.- über und diä letsch nacht schlofet mir ime 4 stern resort im cape obe! Wens öpert interessiert das wär d’homepage vo däm renne www.crocodile-trophy.at

mängmol bruchsch eifach chli glück und muesch grad a diä richtige lüt anelaufe;-)

eigentlich hend mir morn mol wider wöllä go tauche is riff usä, aber leider bini recht stark verkältet und mir hends müese ufs nörchste weekend verschiebe L

gruess usem schön warme australie

philipp